İslamazeri.az-ın “Rəy əl-Yaum”-ə istinadən verdiyi xəbərə əsasən, Səudiyyə Ərəbistanı xarici işlər naziri Adil əl Cubeyr İranın İnqilab Keşikçiləri Korpusunun "Qüds" briqadasının komandiri general Qasim Süleymaninin İraq əməliyyatlarına qoşulmasının mənfi hal kimi dəyərləndirib.

Səud XİN başçısı  “Qasim Süleymani və rəhbərlik etdiyi qurum "qara siyahı"da yer alır(red: BMT-nin qara siyahısı). Onlar İraq və Suriya xalqı ilə savaşır və dünyanın müxtəlif bölgələrində əminamanlığı pozurlar. Rəsmi Riyadın fikrinə əsasən, onun İraqda olması qəbulolunmazdır. İran ərəb ölkələrinin daxili məsələlərinə müdaxilə etməməli və daxili qrupları dəstəkləməməlidir.”

Qeyd edək ki, istər Suriya, istər İraqın qanuni hökümətləri Qasim Süleymani və rəhbərlik etdiyi silahlı birləşmələrin ölkələrindəki anti-teror əməliyyatlarında iştirakına qarşı deyil, əksinə dəfələrlə ona təşəkkür ediblər. Lakin Səudiyyənin tək və ya koalisiya şəklində digər ölkələrdə əməliyyatları həmin ölkə rəhbərliyi ilə razılaşdırılmayıb.