İslamazeri.az saytının Türk mediasına istinadən verdiyi xəbərə görə, Səudiyyə rəsmiləri bu dəfə müsəlmanların qibləsi olan Kəbə evindən bir neçə metr məsafədə yerləşən həzrəti İbrahim (ə) məqamını "ortadan qaldırmaq" fikrinə düşüblər.

Təklifin sahibi olan Ummul Kür Universitetinin məsul əməkdaşları və Beynəlxalq Ərəb Dili Şurasının Sədri Əbdül Əziz Harbi, bu dağıntı planına bəhanə olaraq, Həzrət İbrahimin (ə) məqamı təvaf zamanı hacılara çətinlik gətirməsi, sıxlığa səbəb olması və namaz qılanlara əziyyət çıxarmasını göstərir.

Digər Səudiyyə rəsmilərdən biri "daha da irəli gedərək", hazırladığı 60 səhifəlik məqaləsində Həzrət Məhəmmədin (s) məzarının yerinin dəyişdirilməsi lazım olduğunu iddia edir.

Qeyd edək ki, Amerikanın Times Jurnalı, 1985-ci ildən bu yana Səudiyyə rəsmilərinin Ərəbistanda olan dini və müqəddəs məkanların 98%-ni tamamilə viran etdiyini açıqlamışdı. Viran edilən müqəddəs məkanlar arasında, Həzrət Məhəmmədin (s) və köməkçinin evləri də var.