İslamazeri.az-ın "Palinfo"ya istinadən verdiyi xəbərə görə, Rəfsəncani dünən etdiyi çıxışında Səudiyyə və İran arasında olan problemlərə toxunub.

O, məsələ ilə bağlı “Tehran və ər-Riyad arasındaki ixtilaf müsəlmanları zəiflədib, və nəticədə bu yalnız sionistlərin və dinimizin düşmənlərinin xeyrinədir”, - deyə qeyd edib.

Rəfsəncani həmçinin qeyd edib ki, bu iki ölkə arasındaki əməkdaşlıq, beynəlxalq ictimaiyyətdə İslam dünyasının nüfuzunu artıra bilərdi.

İranın Məsləhət Şurasının sədri  bəzi fars körfəzi ölkələrinin Livan müqavimət hərəkatı olan "Hizbullah"ı terrorçu təşkilat adlandırmasını da tənqid edib. Onun fikrinə görə,  bu sionist rejimin gücləndirilməsi yolunda, atılmış bir addımdır.

Qeyd edək ki, Rəfsəncani İranda Səudiyyə Ərəbistanına qarşı loyal münasibət bəsləyən ruhanilərdəndir.

Onu da qeyd edək ki, Livan müqavimət hərəkatı olan "Hizbullah"ının terrorçu təşkilat adlandırması, o cümlədən İslam Əməkdaşlıq Təşkilatında İran əleyhinə üç maddənin salınması, məhz Səudiyyə Ərəbistanının təkidilə reallaşdırılıb.