Xəbər verdiyimiz kimi, Səudiyyə Ərəbistanı 1 müddət öncə BMT tərəfindən uşaq qatili siyahısına əlavə edilmişdi. Lakin bir çox ölkələrin təzyiq və basqısı nəticəsində BMT Səudiyyə Ərəbistanını bu qara siyahıdan çıxarıb. Beynəlxalq ictimaiyyətin BMT-nin qərarının dəyişdirilməsinə etirazı Ban Ki Munun bu barədə fikir bildirməsinə səbəb olub.

Türkiyədə jurnalistlərlə görüşdə bu mövzuya toxunan Ban Ki Mun, addığı addıma bəraət qazandıraraq deyib: “Bu, mənim bu günədək qəbul etdiyim ən çətin və ağır qərar idi. Bu addımı atmasaydım BMT-nin Fələstin, Sudan, Suriya, Yəmən və digər ölkələrdə olan uşaqlarla bağlı layihələrimiz çətinliklə üzləşərdi. Ölkələrin bu barədə təzyiqi qəbul olunmazdır. Biz bu sözləri araşdırsaq da, qəbul olunan qərarda heç bir dəyişiklik baş verməyəcəkdir.”