İslamazeri.az "IRIB"-ə istinadən xəbər verir ki, İşğalçı İsrail rejimində yayımlanan bir qəzet Məscidül-Əqsanın müsəlmanlar ilə sionistlər arasında bölünməsilə bağlı təxribat planının bu ilin sonuna qədər tətbiq olunacağını ifadə edib.

"Haaretz" qəzeti bugünkü buraxılışında sionist səlahiyyətlilərə istinadən Məscidül-Əqsanın zaman baxımından sionistlər ilə müsəlmanlar arasında bölünəcəyini və hər biri üçün namaz və ibadət üçün müəyyən payın veriləcəyini qeyd edib.

"Haaretz" Məscidül-Əqsanın məkan baxımından müsəlmanlar ilə sionistlər arasında bölünməsinin, zaman baxımından bölünməsindən sonra başlayacağını yazıb.

Xəbərdə Məscidül-Əqsanın böyük hissəsinin sionistlər üçün ayrılacağı ifadə edilib.

Son sıralarda işğalçı İsrail kabinetində ələ alınan bu təxribat planına uyğun olaraq, işğalçı rejim Məscidül-Əqsanı bölmək və təxribat planını həyata keçirmək üçün münasib fürsət tutmuş olacaq.