haberL haberR

Son 3 ayda 40 min vətəndaşa iş yerinə dair elektron arayış verilib

Kateqoriya: Sosial Yayımlama tarixi: 16.03.2015 16:11:19

Əmək və Əhalinin Sosial Müdafiəsi Nazirliyi tərəfindən ötən il dekabrın əvvəllərində istifadəyə verilən “İş yerinə dair arayış” elektron xidməti vasitəsilə bu ilin 1 mart tarixinədək 39 281 nəfər vətəndaşa iş yerinə dair elektron arayış verilib

Nazirliyin İctimaiyyətlə əlaqlər şöbəsindən islamazeri.az-a verilən məlumata görə, vətəndaşlar “İş yerinə dair arayış” elektron xidmətindən istifadə etməklə, iş yeri haqqında ümumi təyinatlı, yaxud konkret bir quruma təqdim etmək üçün e-arayış əldə edə bilərlər. Bunun üçün işəgötürənə müraciət edilməsinə artıq ehtiyac qalmır.

İş yerinə dair verilən elektron arayışda işəgötürən barədə məlumatlar, onun əlaqə nömrəsi, işçinin şəxsi məlumatları, əmək müqaviləsinin bağlandığı tarix, onun müddətli və ya müddətsiz olması, arayışın etibarlılıq müddəti və s. məlumatlar da əhatə olunur. Arayış əmək haqqı göstərilməklə və ya göstərilmədən də əldə oluna bilər.

Xatırladaq ki, dövlət başçısının 2014-cü il 3 fevral tarixli Fərmanına əsasən, ƏƏSMN tərəfindən ötən ilin ortalarından əmək müqaviləsi bildirişləri üzrə elektron informasiya sisteminin tətbiqinə başlanılıb. Sistemdə əmək müqavilələri, onların tərəfləri olan işçi və işəgötürənlərlə bağlı formalaşan dolğun məlumat bazası əsasında “İş yerinə dair arayış” elektron xidməti istifadəyə verilib ki, hazırda bu e-xidmət vətəndaşların “Elektron hökumət” portalı üzərindən ən çox istifadə etdikləri elektron xidmətlərdən biridir.

Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.