haberL haberR

Suriya kürdləri təkzib etdi: "YPG Mənbicin müdafiəsinin gücləndirilməsində iştirak etmir."

Kateqoriya: Yaxın Şərq Yayımlama tarixi: 29.08.2016 14:26:58

"Kürd özünümüdafiə dəstələri (YPG) Suriyanın şimalında yerləşən Mənbic və Cərablus şəhərlərinin müdafiəsinin gücləndirilməsində iştirak etmir."

İslamazeri.az-ın RİA-ya istinadən verdiyi xəbərə əsasən, Suriyanın kürd regionunun təmsilçisi bildirib ki, kürd özünümüdafiə dəstələri (YPG) Suriyanın şimalında yerləşən Mənbic və Cərablus şəhərlərinin müdafiəsinin gücləndirilməsində iştirak etmir.

Xatırladaq ki, daha əvvəl Reuters agentliyi bildirmişdi ki, YPG komandanlığı Mənbicə silah və əlavə dəstələr göndərməklə şəhərin müdafiəsini gücləndirir.

“Müdafiə gücləndirilir, lakin YPG-in iştirakı olmadan. Çünki YPG Fəratdan şərqdədir.”, - deyə Suriyanın şimalında yerləşən Rojava Federativ Regionunun mətbuat mərkəzinin başçısı İbrahim İbrahim bildirib.

Daha əvvəl Türkiyə hökuməti bildirib ki, Suriya kürdlərinin özünümüdafiə qüvvələri Fərat çayından qərbdə yerləşən əraziləri tərk etməlidirlər. Türkiyəyə səfər etmiş ABŞ vitse-prezidenti Cozef Bayden qeyd edib ki, əgər kürdlər Ankaranın tələbini yerinə yetirməzlərsə, ABŞ Suriya kürdlərini dəstəkdən məhrum edəcək.

Xatırladaq ki, ötən həftə Türkiyə ordusu Suriyanın şimalında yerləşən və sərhədyanı şəhər olan Cərablusda Suriya müxalifətinin və beynəlxalq koalisiya HHQ-in iştirakı ilə İŞİD əleyhinə əməliyyata başlayıb. Suriya hökuməti Türkiyənin hərəkətlərini ölkə müstəqilliyinin pozulması adlandırıb. Sutka ərzində Cərablus müxalif "Azad Suriya Ordusu"nun nəzarəti altına keçib.

Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.