İslamazeri.az-ın "Ria Novosti"yə istinadən verdiyi xəbərə əsasən, Suriya müxalif və inqilabi güclərin milli koalisiyası (SMİGMK) Türkiyə xalqını ölkədə hərbi çevriliş etmək istəmiş üsyançılar üzərindəki qələbə münasibəti ilə təbrik edib.

Türkiyə hakimiyyəti Suriya müxalifətini dəstəkləyir, SMİGMK 2012-ci ildə ölkədə “Suriya xalqının yeganə rəsmi təmsilçisi” kimi qəbul edilib.

“SMİGMK Suriya xalqının adından Türkiyə xalıqını demokratik institutların müdafiəsində əldə etdikləri uğur münasibəti ilə təbrik edir”, – deyə təşkilatın saytında yerləşdirilən bəyanatda deyilir.

Suriyalı müxaliflər qeyd ediblər ki, Türkiyə xalqı azadlığın dəyərini bilir və bir qrup üsyançıya ölkəyə hərbi rejimi qaytarmağa icazə verməz.