İslamazeri.az-ın "Islam Today"-ə istinadən verdiyi xəbərə əsasən, Suriya Ərəb Respublikası Turizm Nazirliyi öz çimərliklərinə turistləri cəlb etmək üçün tədbirlər görməyə qərar verib. İnternetdə müharibə şəraitində olan ölkənin qumlu çimərliklərini reklam edən video çarx paylaşılıb.

"Suriya hər zaman  gözəldir" adlı videoçarx ərəb respublikasının çimərliklərini və sahilyanı ərazilərini nümayiş etdirir. Xüsusilə də Tartus şəhərini. Qeyd edək ki, Tartus şəhəri Latakiya (Lazkiyə) əyalətində yerləşir və hazırda hökumət qoşunlarının nəzarəti altındadır.