haberL haberR

Suriyada barışığa qoşulmuş yaşayış məntəqələrinin sayı 368-ə çatıb

Kateqoriya: Yaxın Şərq Yayımlama tarixi: 09.08.2016 11:46:36

Bu barədə Rusiya Federasiyası Müdafiə Nazirliyinin saytında dərc edilmiş bülletendə deyilir.

İslamazeri.az-ın rus mediasına istinadən verdiyi xəbərə əsasən, Suriya Ərəb Respublikasında düşmən tərəflərin barışığı üzrə Rusiya mərkəzinin məlumat bülletenində deyilir ki, sutka ərzində 8 yaşayış məntəqəsinin təmsilçiləri ilə barışıq haqqında saziş imzalanıb. Barışıq imzalamış yaşayış məntəqələrinin ümumi sayı isə 368-ə çatıb.

“Sutka ərzində Əs-Suveyda (5) və Lazkiyyə (3) əyalətlərində 8 yaşayış məntəqələrinin nümayəndələri ilə barışıq haqqında saziş bağlanıb. Barışıq prosesinə qoşulmuş yaşayış məntəqələrinin sayı 368-ə çatıb”, – deyə Rusiya Federasiyası Müdafiə Nazirliyinin saytında dərc edilmiş bülletendə deyilir.

Qeyd edilir ki, Dəməşq, Lazkiyyə və Homs əyalətlərində silahlı müxalifət dəstələrinin səhra komandirləri ilə hərbi əməliyyatların dayandırılması rejiminə qoşulma haqqında danışıqlar davam etdirilib. Barışıq üzrə mərkəzin məlumatına əsasən, hərbi əməliyyatların dayandırılması (rejiminin) şərtlərini qəbul edib ona əməl edən silahlı qruplaşmaların sayında dəyişiklik baş verməyib – 69.

Xatırladaq ki, Suriyada atəşkəs rejimi fevral ayının 27-dən qüvvəyə minib. Sülh (barışıq) BMT Təhlükəsizlik Şurası tərəfindən terror təşkilatı kimi tanına “İŞİD”, “Nusra Cəbhəsi” və s. ekstrimist-radikal təşkilatlara şamil edilmir.

Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.