İslamazeri.az xəbər verir ki, 9 noyabrda Dəməşq yaxınlığında təşkil olunmuş hava hücumu zamanı Türkiyə Milli Kəşfiyyat Təşkilatı (MİT) və ABŞ-ın Milli Kəşfiyyat İdarəsinin (CİA) dəstəklədiyi “Əcnaduş-Şam” terror qruplaşmasının lideri Əbu Übeydə ləqəbli terrorçu öldürülüb.

Qeyd edək ki, Əbu Übeydə xarici görünüşcə “Əhraruş-Şam” lideri Zahran Alluşa oxşadığından əvvəlcə məhz onun öldürülməsi haqqında məlumat yayılmışdı. Lakin sonradan dəqiqləşdirilib ki, öldürülən terrorçu lider Alluş yox, ona çox bənzəyən bir başqa terrorçu lider Əbu Übeydədir.

Xatırladaq ki, “Əcnaduş-Şam” terror təşkilatı Suriyada fəaliyyət göstərən və hökumət qüvvələrinə vuruşan “Əhraruş-Şam”, “Nusra Cəbhəsi”, “Cundul-Əqsa”, “Feylaquş-Şam” və digər başqa terror qruplaşmaları ilə birlikdə “Ceyşül-Fəth” terror ittifaqının üzvüdür.