İslamazeri.az-ın "Islam Today"-ə istinadən verdiyi xəbərə əsasən, Tacikistanın Milli Kitabxanasında əlyazma Quran kolleksiyası saxlanılır.

Kitablar dünyanın ən yaxşı xəttatları tərəfindən XIII və XX əsrlər dövründə yazılıblar. Maraqlıdır ki, bir neçə nümunə  fars-tacik dilinə tərcümə olunmuş Qurandır.

Milli Kitabxananın kolleksiyasında Quranın qəribə (qeyri-adi) nüsxələri də var. Məsələn, ən kiçik Quran.

Bu kitabın uzunluğu cəmi 1,8 santimetr, çəkisi isə 1,6 qramdır. Bu nüsxə öz özlüyündə yeganədir və 20-ci əsrin əvvəlində Kazan şəhərində buraxılıb.

Tacikistan Milli Kitabxanasının kolleksiyasında olan ən böyük Quran isə XIX əsrdə yazılıb. Quranın yazan xəttatın adı, həmçinin dəqiq yazılma vaxtı və nəşriyyatın dəqiq adı da məlum deyil.

Qeyd etmək lazımdır ki, şərq inanclarına əsasən, Quranı köçürən şəxs günahlardan azad olardı və elə ona görə də orta əsrlərdə bir çox müsəlman hakim və sıravi varlı insanlar müqəddəs kitabın şəxsi nüsxələrini sifariş verərdilər.