İslamazeri.az-ın Rus mediasına istinadən verdiyi xəbərə görə, artıq “Taliban” şuranın yeni iclasını toplayıb. Media terrorçuların başçısı vəzifəsi üçün irəli sürülmüş namizədlərin adlarını açıqlamayıb, həmçinin terrorçuların toplaşacağı yer və zaman haqda da məlumat yoxdur.

Keçmiş lider Əxtar Mənsurun seçildiyi şuranın əvvəlki iclası, Pakistanın Kvetta şəhəri yaxınlığında baş verib. KİV dəfələrlə məlumat yayıb ki, “Taliban”-ın mərkəzi orqanları məhz bu ərazidə fəaliyyət göstərir.

Xatırladaq ki, ABŞ Əxtar Mənsur mayın 21-i amerikan pilotsuz təyyarəsinin zərbəsi nəticəsində öldürüldüyünü yaysa da, Pakistan dövlət rəsmiləri terrorçunun bir müddət öncə ordu qüvvələri tərəfindən keçirilən əməliyyat zamanı öldürüldüyünü önə çəkir.