İslamazeri.az-ın “İRİNN” agentliyinə istinadən verdiyi xəbərə əsasən, İranın informasiya, təhlükəsizlik və kəşfiyyat naziri (ETELAAT), ölkədə qarşısı alınan terror hadisələri barədə çıxış edib. Seyid Mahmud Ələvi 6 gündür ki terrorçuları zərərsizləşdirmə əməliyyatına start verdiklərini deyərək bildirib: “Paytaxtdan əlavə daha 3 şəhərdə bu əməliyyatlar həyata keçirilib və 10 vəhhabi təkfirçisi saxlanılıb. Hazırda saxlanılanlar sorğu olunur və əldə olunan məlumatlar əsasında, ölkə daxili və xaricində əməliyyatlar davam edir."

"Uzaqdan ifarəetmə ilə partlayışlar həyata keçirmə, canlı bomba, partlayıcı maddələrlə dolu olan maşınların partladılması, terrorçuların həyata keçirmək istədiyi əməliyyatlardan idi ki, "İmam Zamanın (ə) gizli əsgərləri" xüsusi təyinatlı qrupu tərəfindən zərərsizləşdirilib. Terrorçular 50 yeri hədəf olaraq seçmiş, bəziləri üçün lazım olan avadanlıqları hazırlamış, bəziləri üçün isə hazırlamaqda idilər. Bu günədək yüz kiloya yaxın partlayıcı maddə aşkarlanıb. İki tona yaxın partlayıcı maddənin terrorçulara çatdırılmasının qarşısı alınıb." İmam Zamanın gizli əsgərləri" xüsusi təyinatlılarının sizin dualarınıza ehtiyacı var.”, -deyə Seyid Mahmud Ələvi əlavə edib.