haberL haberR

Təhsil Nazirliyi; 2212 nəfər yüksək nəticə göstərərək vakant yer tutmaq hüququ qazanıb

Kateqoriya: Elm-təhsil Yayımlama tarixi: 04.08.2015 17:31:23

Müsahibənin nəticələrinə əsasən 1892 nəfərin işə qəbul olunmasına razılıq verilib

 

Təhsil Nazirliyinin mətbuat xidmətindən  verilən xəbərə görə, müəllimlərin işə qəbulu üzrə müsabiqənin test imtahanı mərhələsində 18573 nəfər iştirak edib, 2212 nəfər yüksək nəticə göstərərək vakant yer tutmaq hüququ qazanıb və müsahibəyə dəvət olunub.

 

Müsahibənin nəticələrinə əsasən 1892 nəfərin işə qəbul olunmasına razılıq verilib.

 

Tutulan vakansiyalar daha çox Bakı şəhəri üzrə (345 yer), Cəlilabad rayonu üzrə (83 yer), Lerik rayonu üzrə (71 yer) olub. Daha çox vakant yerlər ibtidai sinif üzrə (335 yer), coğrafiya üzrə (206 yer), kimya üzrə (156 yer) tutulub. İşə qəbul olunmasına razılıq verilmiş müəllimlər sentyabrın 1-dən başlayaraq müvafiq məktəblərə sənədlərini təqdim edərək pedaqoji fəaliyyətə başlayacaqlar.

 

Qaydalara müvafiq olaraq tutulmayan və imtina edilmiş vakant yerlərə avqustun 5-dən 10-dək əlavə yerləşdirmə aparılacaq. Əlavə yerləşdirmədə test imtahanlarında keçid balını toplayıb vakant yer tuta bilməyən, eləcə də tutduğu vakansiyadan imtina edənlər iştirak edə bilər.(apa)

 
Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.