İslamazeri.az-ın “Mehrnews”-a istinadən verdiyi xəbərə əsasən, İslam Dünyasının böyük mərcəi təqlid müctehidi Ayətullah Məkarim Şirazi təkfirçilik mövzusunda Səudiyyə Ərəbistanındakı alimlərə müraciət edib: “Səudiyyədəki din alimlərinə tövsiyəm budur ki, gec olmamış təkfirçi düşüncələrini öz kitablarından çıxarsınlar və qiblə əhlinini təkfir etməkdən çəkinsinlər. Dillərini təkfir etməkdən, kitabxanalarını isə azdıran kitablardan təmizləsinlər".

Ayətullah çıxış ızamanı dünya siyasətçilərinə də münasibət edərək "Dünya siyasətçilərindən istəyim budur ki, təkfirçiləri dəstəkləyən ölkələrə qarşı sanksiya tətbiq etsinlər. Bu problemlə mübarizə aparmaq üçün bir neçə dilli TV  açmağı təklif edirəm. Biz bu barədə öz hazırlığımızı bildiririk. Biz təkfirçilərlə mübarizə bayrağını çiynimizdə aparmağa hazırıq və bəşəriyyəti bu bəladan xilas etmək üçün əlimizdən gələni edəcəyik. İslam alimləri məzhəblərarası ixtilafları qabartmamalı və müsəlmanların vəhdət halında olması üçün çalışmalıdırlar.”deyə danışıb.