haberL haberR

Tezliklə Məşhəd-Bakı, Bakı-Məşhəd aviareysi açılacaq

Kateqoriya: Xəbərlər Yayımlama tarixi: 14.06.2015 20:33:25 15507 dəfə oxunub.

Tezliklə Məşhəd-Bakı, Bakı-Məşhəd reysi açılacaq - bu haqda İranın Azərbaycandakı səfiri deyib

İslamazeri.az-ın "Səhər" telekanalına istinadən verdiyi xəbərə görə, İranın Azərbaycandakı səfiri Möhsin Pakayin bazar günü Tehranda keçirilən İranın İraq, Azərbaycan Respublikası və Türkmənistanla praktiki ticarət konfransında deyib ki, tezliklə Məşhəd-Bakı, Bakı-Məşhəd reysi açılacaq: "Azərbaycan Respublikası vətəndaşları İrana səfər etməyə maraqlıdırlar və ildə bir milyon Azərbaycan vətəndaşı istirahət və turizm, müqəddəs məkanların ziyarəti və müalicə üçün İrana səfər edir". 


İranın şimal-şərqində yerləşən Məşhəddən Bakıya uçuş reysinin açılması üzrə müzakirələrin davam etdiyini bəyan edən Pakayin deyib: "Hər həftə Tehran və Bakı arasında 8 uçuş həyata keçirilir və Məşhəd-Bakı uçuş reysinin açılması ilə şiələrin 8-ci imamı Həzrət İmam Rzanın (ə) pak ziyarətgahının zəvvarlarından əlavə, İran və Azərbaycan Respublikasının iş adamları da bu potensialdan istifadə edə biləcəklər".

 

İranın Azərbaycan Respublikasındakı səfiri iki ölkənin ticarət dövriyyəsinin ildə təxminən 500 milyon dollar olduğunu deyərək sözlərini belə davam edib: "Turizm və kiçik ticarətin əlavə olması ilə İran və Azərbaycan Respublikası arasında ticarət dövriyyəsinin dəyəri ildə 1 milyard dolları keçəcəkdir".

Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.