haberL haberR

​Tural Abbaslı: "Qurultaya YAP-ı da dəvət edəcəyik"

Kateqoriya: Siyasət Yayımlama tarixi: 18.04.2016 15:46:08

Hazırda qurultaya hazırlıq işləri gedir

"Ağ Partiyanın formalaşdırılması ilə bağlı iki variant var. Variantlardan biri qurultaydan sonra Ədliyyə Nazirliyinə müraciət etməkdir. Digər variant isə Ədliyyə Nazirliyində qeydiyyatdan keçən partiyalardan birinə üzv olmaq, sonra partiyanın qurultayını keçirməklə yenidən formalaşdırmaq və həmin təşkilatın adında dəyişiklik edib, nəzərdə tutduğumuz kimi adlandırmaqdan ibarətdir".
Bunu "Report"a açıqlamasında Müsavat Partiyasının başqanlığına sabiq namizəd, "Ağ blok"un həmtəsisçisi Tural Abbaslı deyib.
O bildirib ki, hazırda qurultaya hazırlıq işləri gedir: "Hələlik sədrliyə iddialı yalnız mənəm. Digərləri də namizədliklərini irəli sürəcəklərsə, problem olmayacaq. Bütün hallarda namizədlər qurultay günü bəlli olacaq".
T.Abbaslı qeyd edib ki, mayın sonunda keçirilməsi planlaşdırılan qurultaya ölkədəki aktiv siyasi partiyalar dəvət olunacaq: "Bütün siyasi partiyaları, o cümlədən Yeni Azərbaycan Partiyasını qurultaya dəvət etməyi düşünürük. Biz bütün partiyalarla normal münasibətlərin qurulmasının tərəfdarıyıq".

Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.