İslamazeri.az-ın "Reuters" agentliyinə istinadən verdiyi xəbərə əsasən, Türkiyə baş nazirinin müavini Numan Kurtulmuş agentliyə verdiyi müsahibədə bildirib ki, Türkiyə hökuməti ABŞ-ı Suriya kürdlərini Fərat çayının şərqinə doğru çəkilmələri üçün onlara təzyiq göstərməyə səsləyib.

"Fəratdan şərqə doğru irəliləmək üçün biz ABŞ-ın PYD-yə olan təzyiqini görmək istərdik. Əgər biz əməliyyatı ABŞ qüvvələri ilə birlikdə keçirsəydik, bu çox nəticəli olardı.", - deyə o bildirib.

ABŞ Müdafiə Nazirliyindəki mənbədən bildirblər ki, kürd özünümüdafiə dəstələrinin bütün qüvvələri Fərat çayından şərqə doğru geri çəkiliblər. Türkiyə prezidenti Rəcəb Tayyib Ərdoğan bildirib ki, Türkiyə ABŞ rəsmilərinin Suriya kürdlərinin özünümüdafiə dəstələrinin Ankaranın tələbinə tabe olaraq Fəratdan şərqə doğru çəkildiklərinə dair bəyanatına güvənmir.