İslamazeri.az-ın rus mediasına istinadən verdiyi xəbərə əsasən, Türkiyə prezidenti Rəcəb Tayyib Ərdoğan bildirib ki, Türkiyə ABŞ rəsmilərinin Suriya kürdlərinin özünümüdafiə qüvvələrinin Ankaranın tələbinə tabe olaraq Fərat çayının şərqinə doğru geri çəkildiyinə dair bəyanatına inanmır.

Daha əvvəl ABŞ Müdafiə Nazirliyindəki mənbədən bildirblər ki, Suriyanın şimalındakı bütün kürd özünümüdafiə dəstələri Fərat çayından şərqə doğru çəkiliblər.

"Yox, onlar (red. - kürdlərin özünümüdafiə qüvvələri) geri dönməyiblər. Biz  öz məlumatlarımıza əsaslanırıq. Biz ABŞ-ın terrorçuların Fəratın şərqinə keçməsinə dair bəyanatına inanmayacağıq.", - deyə Ərdoğan Çinin Xançjou şəhərində keçiriləcək G20 sammitinə getməzdən əvvəl Ankara hava limanında keçirdiyi mətbuat konfransında bildirib.

O əlavə edib ki, rəsmi Ankara Suriya kürdlərinin özünümüdafiə qüvvələrinə Türkiyənin cənub sərhədində "dəhliz" yaratmağa imkan verməyəcək.