İslamazeri.az-ın "Anadolu"-ya istinadən verdiyi xəbərə əsasən, Çinin Xançjou şəhərindəki G20 sammitində türkiyəli nümayəndə heyətinin tərkində olan Türkiyə xarici işlər naziri Mövlud Çavuşoğlu ABŞ dövlət katibi Con Kerri ilə görüşüb və onunla Ankaranın çevrilişə cəhddə ittiham etdiyi Fətullah Gülənin ekstradisiyasına dair məsələni müzakirə edib.

Diplomatik mənbələrin məlumatına əsasən, bir saatlıq görüş zamanı tərəflər Suriyanın şimalında yerləşən Mənbic və Cərablus şəhərlərindəki vəziyyət və İŞİD terror qrpulaşması ilə mübarizə də daxil olmaqla, regiondakı hadisələri müzakirə ediblər.