İslamazeri.az Türkiyə KİV-ə istinadən xəbər verir ki, Çavuşoğlu dünən, Vyanada keçirilən Suriyaya dəstək qrupunun iclasında iştirak edib. O, orada Rusiya xarici işlər naziri Sergey Lavrovun “Ankara İŞİD-ə dəstək verir” bəyanatına sərt narazılığını bildirib. Vyanadakı mətbuat-konfransında Sergey Lavrov bildirib ki,  Türkiyənin İŞİD-i təmin etmək üçün yaratdığı şəbəkələr haqda çoxlu faktlar var.

“Siz, cənab Lavrov, ciddi diplomat və indiki iclasın iştirakçıları arasında ən təcrübəlilərdən birisiniz. Ona görə hesab edirəm ki, sizin bu cür uyudurmaları  ciddiyə qəbul etməniz  lazım deyildir. Əgər Rusiyanın Türkiyənin İŞİD-i dəstəkləməsinə dair bircə ədəd də olsa sübutu varsa, o zaman, mən istefa verməyə hazıram. Əgər yoxdursa, onda siz günlərinizin sonunadək Antalyada bizim qonaq olacaqsınız.” – deyə Çavuşoğlu Vyanada bildirib.