haberL haberR

Türkiyədə millət vəkili toxunulmazlığı ləğv edildi

Kateqoriya: Dünya Yayımlama tarixi: 20.05.2016 17:40:23

Türkiyə Böyük Millət Məclisi millət vəkili toxunulmazlığının ləğvi haqqında Konstitusiya dəyişikliyi təklifini qəbul edib.

APA-nın xəbərinə görə, 2 maddəlik dəyişiklik təklifi bu gün parlamentdə səsverməyə çıxarılıb. Keçirilən gizli səsvermə nəticəsində 1-ci maddə 373 səs, 2-ci maddə isə 374 səslə qəbul edilib. Sonra prosedura uyğun olaraq hər iki maddə birlikdə səsverməyə çıxarılıb. Yekun səsvermədə Konstitusiya dəyişikliyinin lehinə 376 millət vəkili səs verib. Konstitusiya dəyişikliyi üçün üçdə iki səs çoxluğu - 367 səs lazım olduğundan, dəyişikliklər referenduma ehtiyac qalmadan qəbul olunmuş sayılıb.

Dəyişikliklər prezidentin imzası və “Rəsmi qəzet”də dərc olunduqdan sonra qüvvəyə minəcək.

Qeyd edək ki, Türkiyədə prokurorluq orqanları tərəfindən 138 millət vəkili haqqında cinayət işi açılıb. Lakin deputat toxunulmazlığı ilə əlaqədar prokurorlar bu işlər üzrə istintaq apara bilmirdi. Bundan sonra həmin millət vəkillərinin istintaqa çağırılması, dindirilməsi, saxlanılması, məhkəmə önünə çıxarılması və barələrində həbs qərarı verilməsi mümkün olacaq.

Yaxın günlərdə PKK terror təşkilatının siyasi qolu sayılan HDP-nin (Xalqların Demokratiya Partiyası) bəzi millət vəkillərinin istintaqa cəlb olunacaqları gözlənilir.

Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.