Türkiyədə Ordu ilə PKK terrorçuları arasında atışma: 3 hərbçi ölüb - Foto

Kateqoriya: Dünya Yayımlama tarixi: 31.07.2016 17:39:13

Türkiyənin Qara dəniz sahilində yerləşən Ordu əyalətində PKK terror təşkilatı üzvlərinin təşkil etdiyi hücum nəticəsində 3 hərbçi həyatını itirib

İslamazeri.az-ın Türkiyə KİV-nə istinadən verdiyi xəbər əsasən, Türkiyənin Qara dəniz sahilində yerləşən Ordu əyalətində PKK terror təşkilatı üzvlərinin təşkil etdiyi hücum nəticəsində 3 hərbçi həyatını itirib, daha 2 hərbçi isə yaralanıb.

PKK terrorçuları Məsudiyyə dairəsinin Topçam jandarmeriyası şöbəsi binası yaxınlığında daxil olmuş xəbərdarlıq xəbərlərindən sonra əməliyyat-axtarış əməliyyatı aparan hərbçilərə atəş açıblar. İlkin məlumata əsasən, 3 hərbçi dünyasını dəyişib, daha 2-si isə yaralanıb.

"Hürriyət" qəzetinin məlumatına əsasən, əyalət qubernatoru İrfan Balkanğlu qeyd edib ki, atışma davam etməkdədir, hadisə yerinə əlavə qüvvələr göndərilib. Bundan başqa, hadisə yerinə yerli jandarmeriya komandiri də gəlib. Qubernator həmçinin bildirib ki, təhlükəsizlik qüvvələri PKK üzvlərinə regionda aktiv olmağa imkan verməyəcəklər.