İslamazeri.az-ın "Mehr" agentliyinə istindən verdiyi xəbərə görə, Dəməşqə gedən Türkiyənin keçmiş Maliyyə Naziri Əbdüllətif Şənər Suriya prezidenti Bəşər Əsədin hakimiyyətdən getməsi ilə Suriyanın xarabalığa çevriləcəyini söyləyib.

Suriyada hakimiyyətin nəzarəti altında olan dövlət və təhlükəsizlik qururumlarının heç bir problem olmadan işlərini davam etdirdiklərinə diqqət çəkən Şənər, "Bu yolla Bəşər Əsəd hakimiyyətdən salınarsa, Suriyadakı təhlükəsizlik, müstəqillik və ictimai nizamın yox olacağına qəti əminəm"  - deyə bildirib. 

Şənər açıqlamasına belə davam edib:  "Əsəd hakimiyyətdən ayrılarsa, heç bir siyasi proqramları və planları olmayan, heç bir əxlaqi dəyərə diqqət etməyən və ən pisi, ölkə rəhbərliyi ilə bağlı heç bir fikri olmayan ayrı-ayrı qrupların Suriyanı xarabaya çevirəcəklərinə əminəm!"