İslamazeri.az-ın NTV telekanalına istinadən verdiyi xəbərə əsasən, Türkiyə Respublikası daxili işlər naziri Əfqan Ala telekanalın efirində bildirib ki, Türkiyənin müxalif Cümhuriyyət Xalq Partiyası lideri Kamal Kılıçdaroğlunun kortecinin atəşə tutulmasını PKK terror təşkilatı yaraqlıları həyata keçirib.

"Korteci atəşə tutan separatçı PKK təşkilatının terroçularının tutulması üzrə əməliyyat başladılıb. Şübhə etmirəm ki, onlar tapılacaq və laiq olduqları cəzanı alacaqlar. Biz bizim müxalifət partiyası başçısına hücumu bizim hamımıza, bütün ölkəyə qarşı olan hücum kimi qəbul edirik.", - deyə Ala bildirib.

Xatırladaq ki, daha əvvəl türk KİV-ləri CHP kortecinə hücum haqqında xəbər vermişdi. Kortecdə partiya başçısı da var idi. Hadisə Şavşat rayonunun Yanıqlı kəndi yaxınlığında baş verib. Kılıçdaroğlunun mühafizəçiləri meşədə şübhəli hərəkət görüblər. Bundan sonra atışma başlayıb. Alanın daha əvvəl bildirdiyi kimi, güllələr kortecin baş (başda gedən) maşınına dəyiblər. Orada olan 3 jandarma əməkdaşı xəsarət alıb, onlardan birinin  vəziyyəti ağırdır.

Ölkə prezidenti Rəcəb Tayyib Ərdoğan baş vermiş hadisə haqqında əyalət administrasiyası tərəfindən xəbərdar edilib. Baş nazir müavini Numan Kurtulmuş öz növbəsində kortecin atəşə tutulmasını qəti şəkildə pisləyib.