haberL haberR

Yanğından xilas olan qız telefona görə öldü

Kateqoriya: Hadisə Yayımlama tarixi: 15.10.2014 8:57:42

Gənc qız alovlar içindən nənəsini xilas etdi, daha sonra telefonu götürmək istəyərkən həyatını itirdi

Gənc qız alovlar içindən nənəsini xilas etdi, daha sonra telefonu götürmək istəyərkən həyatını itirdi.

 

İslamazeri.az “Sabah” qəzetinə istinadən xəbər verir ki, İzmir şəhərinin Konak qəsəbəsində yaşayış binasının 4-cü mərtəbəsində yanğın çıxıb.

Yanğına elektrik naqilindəki qısqapanma səbəb olub.

Həmin evdə yaşayan 17 yaşlı qız Aycan Yüceyurt evdəki 65 yaşlı nənəsi Mine Yüceyurtu qısa zamanda çölə çıxarmağı bacarıb. O daha sonra telefonunu götürmək üçün yanğının davam etdiyi evə geri qayıdıb.

Lakin, qatı duman arasından geri qayıda bilməyən qız 4-cü mərtəbədən aşağı tullanıb. Əvvəlcə elektrik naqillərinə dəyən qız sonra betona çırpılıb.

Hadisə yerinə gələn təcili tibbi yardım həkimləri bütün cəhdlərə baxmayaraq gənc qızın həyatını xilas edə bilməyib.

 
Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.