haberL haberR

BƏƏ Husilərlə döyüşdən vaz keçdi, Səudiyyənin İrana "Yəmən mesajı"

Kateqoriya: Yaxın Şərq Yayımlama tarixi: 16.06.2016 16:05:30

Yəmən "Ənsarullah" hərəkatı Taizdə Ben Əli şəhərində irəliləyirlər

İslamazeri.az-ın "Əl Məsdər"ə istinadən verdiyi xəbərə görə, Birləşmiş Ərəb Əmirliyi 48 saat ərzində 3 hərbi vertolyotunu itirdikdən sonra,  Yəməndən çıxma qərarı alıb.

Bu haqda Əbu Dabi vəliəhdi, şahzadə Məhəmməd inb Zayed ən-Nəxyan "tvitter" səhifəsində məlumat verib.

"Bu günkü gündə bizim mövqeyimiz bəllidir: bizim silahlı qüvvələr üçün müharibə bitmişdir, biz siyasi razılqıları izləyirik və Yəmən xalqına azad edilmiş bölgələrdə öz dəstəyimizi davam etdirəcəyik", - deyə şahzadə sosial şəbəkəsində qeyd edib.

Bu arada Səud ailəsilə bağlı sosial şəbəkələrdə ifşaedici məlumatlar yayan "Müctehid" kod adlı Səudiyyənin "Assanjı" (red: "Wikileaks" saytının qurucusu Culian Assanj) bildirib ki, Səudiyyənin ikinci vəliəhdi Məhəmməd bin Salman Yəmən müharibəsinə son vermək üçün Oman vasitəçiliyi ilə məktub göndərib, - bu haqda Türkiyənin "Yakındoguhaber" portalı məlumat yayıb.

Yəmənin "Əl Məsirə" telekanalı isə Yəmən ordusu və "Ənsarullah" hərəkatının güclərinin Taizdə Ben Əli şəhərində irəlilədiyini və mövqelərini gücləndirdiyini bildirib.

Qeyd edək ki, Yəmən Konqress Partiyasının liderlərindən Abduh Məhəmməd əl-Cundi Səudiyyənin Yəməndəki itkilərini gizlətdiyini bildirərək, krallığın 4500 canlı qüvvəsini  itirdiyini önə çəkmişdi ətraflı.

Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.