haberL haberR

Yollarda çox vaxt keçirən sürücülərə xoş xəbər

Kateqoriya: Ölkə Yayımlama tarixi: 05.09.2016 10:00:50

DİN Baş Dövlət Yol Polisi İdarəsinin rəisi bununla bağlı göstəriş verib.

Son vaxtlar baş verən yol qəzalarının əsas səbəbləri araşdırılarkən sürücülərin sükan arxasında yorğun və yuxulu olması faktlarına da rast gəlinir.

Avtosfer.az-ın yaydığı xəbərə görə, bunu nəzərə alan DİN Baş Dövlət Yol Polisi İdarəsinin rəisi, general-mayor Ramiz Zeynalov DYP-nin şəhərlərarası yollardakı stasionar postlarında sürücülərin istirahətinin təmin edilməsi ilə bağlı göstəriş verib. Göstərişə əsasən, bütün DYP postlarında sürücülərin qısa müddətli istirahəti üçün şərait yaradılıb. Postlarda əl-üz yumaq yerləri quraşdırılıb və orada dəsmal, sabun və salfet qoyulub. Bundan əlavə, sürücülərin post ərazisində qısa müddətdə avtomobili park etməsinə də şərait yaradılıb.

Mərəzə və İsmayıllı postlarında olan DYP əməkdaşları bildiriblər ki, bu addımın atılması yorğun və yuxulu sürücülərə kömək etmək məqsədi daşıyır. Bununla da bu qəbildən olan sürücülər tərəfindən törədilən yol-qəza hadisələrinin qarşısını almaq mümkün olar. Sürücülər burada rahat şəkildə fasilə edə və yaradılan imkanlardan faydalana bilərlər: “Artıq bəzi sürücülər bu imkanlardan istifadə edirlər. Bunun üçün heç nədən çəkinmək lazım deyil”.

Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.