İslamazeri.az "Shafaqna" agentliyinə istinadən xəbərə verir ki, kürd peşmərgələrinin komandiri Bərxvedan, Kobanidə baş verən son hadisələrdən sonra mətbuata yeni açıqlamalar verib: "Bir aylıq müqavimətdən sonra qələbəyə doğru addım-addım irəliləyirik. Bir həftədir Kobani İŞİD üçün qəbiristanlıq olub. Kobaninin hər evində, küçələrində İŞİD terrorçularının cəsədləri var. Hər üç cəbhədə irəliləyiş hiss edirik. Onları öldürmədiyimiz və silahlarına əl qoymadığımız gün yoxdur. Kobani müqavimət və qələbə şəhəridir. Kim nə deyirsə desin. Deyilənlər bizim üçün heç bir əhəmiyyət daşımır. Gəlib Kobanı həqiqətlərini öz gözləri ilə görsünlər. Kobaninin işğalı bir xülyadır və bu xəyal heç vaxt reallaşmayacaq. Biz başqalarından silah yardımı almadan, öz gücümüz və iradəmizlə döyüşürük."

Xatırladaq ki, hazırda Kobaninin hər üç cəbhəsində İŞİD-ə qarşı təmizlik əməliyyatları həyata keçirilir.