İslamazeri.az-ın rus mediasına istinadən verdiyi xəbərə əsasən, BMT-in Humanitar Məsələlərin Koordinasiyası üzrə İdarə (BMT HMKİ) və "Qırmızı Aypara" ərəb təşkilatının və regional hakimiyyətin məlumatına istinadən verdiyi xəbərdə deyilir ki, Suriyanın qərbində yerləşən Həma əyalətində üsyançılar ilə hökumət qüvvələri arasında baş vermiş silahlı toqquşmalar nəticəsində təxminən 100 min nəfər öz evlərini tərk etmək məcburiyyətində qalıblar.

BMT HMKİ-in məlumatına əsasən, söhbət 28 avqust ayından sentyabr ayının 5-nə qədər olan dövrdən gedir. Ailələrin əksəriyyəti regionun şimalındakı yaşayış məntəqələrindən qaçırlar ki, Həma şəhərində - əyalətin inzibati mərkəzində gizlənsinlər. Digər sakinlər isə qonşu İdlib əyalətinə keçmək məcburiyyətindədirlər.