İslamazeri.az-ın "IRNA"-ya istinadən verdiyi xəbərə görə, Bu ana qədər Tikrit şəhərinin terrorçulardan təmizlənməsi əməliyyatında mühüm rol oynayan xalq qüvvələri və İraq ordusu əsgərlərinin bir çoxu bu əməliyyata ABŞ-ın hava hücumu ilə müdaxilə etməsinə reaksiya olaraq, əməliyyatı boykot edərək geri çəkiliblər. ABŞ martın 17-dən etibarən İraq hökumətinin tələbi ilə bu əməliyyata daxil olub və Şimali İraqda Tikrit şəhərinin azad olma əməliyyatını dəstəkləmək üçün hava dəstəyinə başlayıb. 

Ayətullah Seyid Əli Sistaninin sözügedən əməliyyatın uğurlu olması üçün ordu, şiə könüllülər və tayfalar arasında koordinasiyanın şərt olduğunu qeyd etdiyi vurğulanıb.

Qeyd edək ki, ABŞ-ın bu hücumlar zamanı "səhvən" İraq əsgərlərini hədəfə aldığı deyilir.