İslamazeri.az-ın “khamenei.ir”-ə istinadən verdiyi xəbərə əsasən, bu gün özünün yüksək fiqh dərsində ruhanilərin müasir zamanda düşmənlə mübarizəsi mövzusuna toxunan İslam İnqilabının Ali Rəhbəri Ayətullah əl-üzma Seyid Əli Xamenei bildirib: “Elmi hövzələr və ruhanilər virtual aləmi tanımalı və bu fürsətdən istifadə edərək, İslam maarifini yaymalıdırlar. Təbliğdə vəzifəşünaslıq və mövqeşünaslıq çox mühümdür. Vəzifə düzgün şəkildə tanınmazsa, elm, təqva, hətta şücaətin belə müsbət təsiri olmayacaqdır. Bəsirət yəni, cəmiyyətin ehtiyaclarını düzgün anlamaq. Düşmən şübhələri yaymaqla iffət və həyaya zidd olan məsələləri gündəmə gətirməklə imanlı cavanlarımızın həya pərdələrini yırtmaq niyyətindədir. Bu gün bu işlər vitual aləmin sayəsində baş verir. Ruhanilərin ilk və ən mühüm vəzifəsi bu planla mübarizə aparmaqdır. Virtual aləmin özünə məxsus müsbət və mənfi cəhətləri mövcuddur. Bu işlə məşğul olmaq fəqihliklə ziddiyyət daşamır. Allahın ən böyük fiqhi məhz islami maarifi yaymaqdır.”