İslamazeri.az-ın "Habersol"a istinadən verdiyi xəbərə görə, "The New York Times" İŞİD-in maliyyə qaynaqlarının sağlam olduğunu bildirərək, təşkilatın gündə 1 milyon dollar gəliri olduğunu açıqladı.

"The New York Times"ın xəbərinə görə, İŞİD təşkilatı gün ərzində xərrac və vergilərdən 1 milyon dollar gəlir əldə edir və İraq hökumətinə işləyənlərin yarısından çoxunun maaşlarına əl qoyulub. Ümumilikdə, il ərzində ən az 300 milyon dollar vergi və xərac alındığı qeyd olunur.

İŞİD-in neft və banklardan gələn pulun azalmasından sonra sahibkarlardan da 20 % vergi almağa başladığı, 2014-cü il ərzində 600 milyon dollar vergi və xərracdan, 500 milyon dollar ələ keçirilən banklardan, 100 milyon dollar neftdən və 20 milyon dollar fidyədən gəlir əldə etdiyi bildirilib.  

Neft infrastrukturunun zərər görməsi nəticəsində neft gəlirinin həftədə 2 milyon dollara qədər gerilədiyi, həmçinin, təşkilatın ən böyük xərcinin də maaşlar olduğu qeyd olunur. Maaşların ayda 3 milyon dollar ilə 10 milyon dollar arasında olduğu və eyni zamanda təşkilatın media və məhkəmələrə də pul ayırdığı vurğulanır.