İslamazeri.az xəbər verir ki, adı çəkilən tədbir "Müsəlman Birliyi Hərəkatı"nın sədr əvəzi Elçin Qasımov tərəfindən açıq elan edib.

Elçin Qasımov çıxışında deyib ki, bu gün dünyada baş verən hadisələr sonuncu imam Həzrət Qaim (ə.f) haqqında daha ətraflı danışmağa dəlalət edir.

E.Qasımov çıxış etdikdən sonra, Qurani-Kərim tilavət olunub.

Daha sonra, tədbir iştirakçıları dünyada baş verən hadisələr barədə qısa xülasə ediblər.

Qeyd edək ki, konfransda Azərbaycanın bir çox tanınmış ilahiyyatçıları iştirak ediblər. Onlardan Hacı Şahin Həsənli, Hacı Zülfiqar Mikayılzadə, Hacı Qürbət, Hacı Elgün, Zəkiyyə Əbilova, Seyyid Elman Ağayev, Fərhad Mirzə, Seyyid Musa Rza, Bəhruz Əlizadə, Seyyid Rauf Hüseynov, Qabil Əliyev  və Türkiyənin tanınmış ilahiyyatçı alimi Mehdi Aksu iştirak ediblər. Müxtəlif mövzularda çıxış edən ilahiyyatçılar ilahi tövsiyyələri iştirakçıların nəzərinə çatdıraraq, bəşəriyyətin xilaskarı İmam Mehdi (ə.f) haqda geniş məlumat veriblər. 

Onu da nəzərinizə çatdıraq ki, "Müsəlman Birliyi Hərəkatı"nın hazırda həbsdə olan sədri, hicab məhbusu, ilahiyyatçı Hacı Tale Bağırov konrfrans zamanı telefon bağlantısı yaradaraq bütün konfrans iştirakçılarını təbrik edib.