İslamazeri.az-ın İraq mediasına istinadən verdiyi xəbərə görə, İraq Ali İslam Şurasının sədri Seyid Əmmar Hakim bəzi ölkələrin Suriya və Yəməndəki ziddiyyətli mövqeləri ilə bağlı danışıb.

O, region və dünya ölkələrinin Suriya və Yəmən məsələsində ikili standarlardan vaz keçmələrini istəyib. Seyid Əmmar Hakim etdiyi açıqlamada, "Bəzi region və dünya ölkələrinin Yəmən və daha əvvəl Suriya məsələsində nümayiş etdirdikləri ikili mövqe heyrətamizdir. Suriya rəhbərliyi bir çox dünya ölkəsi tərəfindən qanuni olaraq qəbul edilib və beynəlxalq legitimliyə malikdir. Amma Mansur Hadi hökumətinin qanuniliyi yalnız Fars Körfəzi ölkələrinin müqaviləsi ilə gerçəkləşib və özü də istefa verərək, legitimliyinə son verib"- deyə bildirib.