İslamazeri.az-ın "SANA"-ya istinadən verdiyi xəbərə əsasən, ABŞ prezidentliyinə Respublikaçılar Partiyasından namizəd olan Donald Tramp yenidən təsdiqləyib ki, ABŞ prezidenti Barak Obama və daha əvvəl dövlət katibi vəzifəsində çalışmış Hillari Klintonun Yaxın Şərqdə siyasəti və qəbul etdikləri qərarlar İŞİD-in yaranmasına səbəb olub.

Tramp Virciniyada öz tərəfdarları ilə görüşən zaman bildirib: "Əgər bizim ölkəyə normal liderlər başçılıq etsəydilər, heç İŞİD əmələ belə gəlməzdi.", - və əlavə edib ki, terror qruplaşmasının yaranmasına Hillari Klinton və Barak Obamanın pis qərarları və axmaqlıqları səbəb olub.

Bundan sonra namizəd Tramp onun demokrat rəqibi Hillari Klintonun çıxış etdiyi Rusiya Federasiyana nisbətdə olan sərt ritorikanı tənqid edib. O bildirib ki, ABŞ Rusiya ilə münasibətləri yoluna qoymalıdır ki, ümumi qüvvələr ilə İŞİD-i darmadağın etsin.