İslamazeri.az-ın "CNN Turk" telekanalına istinadən verdiyi xəbərə əsasən, Amerika Reaktiv Yaylım Atəşi Sistemləri (RYAS) "HIMARS" Türkiyənin cənubunda yerləşən Qaziantep əyalətində - Suriya sərhədi rayonunda yerləşdirilib.

Daha əvvəl Türkiyə xarici işlər naziri Mövlud Çavuşoğlu bildirib ki, onun ölkəsi Suriyanın şimalında İŞİD terror təşkilatı ilə daha effektiv mübarizə üçün Suriya sərhədində "HIMARS" sistemlərinin yerləşdirilməsi haqda ABŞ-la razılığa gəlib. RYAS-ın Türkiyədə yerləşdirilməsi hələ may ayında planlaşdırılırdı, lakin sonra ABŞ tərəfi sistemlərin yerləşdirilməsinin avqust ayına keçirilməsi haqda xəbər vermişdi. Hazırda Türkiyə sərhədində yerləşdirilimiş artilleriyanın zərbə məsafəsi 40 kilometrlik maksimal uzaqlığa sahibdir. "HIMARS"-ların maksimal uzaqlığı isə 90 kilometrdir.

Mənbədən verilən məlumata əsasən, ABŞ "HIMARS" RYAS-ları Suriya ilə sərhəddən 30 kilometr uzaqlıqda yerləşən Almatəpə  yaşayış məntəqəsi ərazisində yerləşdirib. Məqsəd isə, Türkiyə Silahlı Qüvvələrinin Suriyanın şimalındakı "Fərat Qalxanı" əməliyyatına dəstəkdir. 50 ABŞ hərbçisi tərəfindən qulluq edilən sistem ötən şənbə günü Suriyanın şimalındakı Rai və əl-Bab rayonlarındakı İŞİD mövqelərinə ilk zərbələri endirib.